El
GTC creose fai agora venticuatro años en Carbayín Alto, per
iniciativa del Centro Cultural Nuestra Señora de Covadonga,
intentando dar continuidá al grupu de teatru que había munchos años
atrás n’el pueblu. Creose como grupu de teatru costumista asturianu,
y mantuvose asina hasta hoy, solu tocando muy de pascues a ramos
teatru en castellán. Formose n’aquel entós un grupu de mayores, un
xuvenil y un de guajes, y patiaron pueblos asgalla y fiestes
represnetando obres de los autores asturianos más populares (Pin de
Pría, Pachín de Velás, Eladio Verde, Caravera…). Col tiempu llegóa a
tenese aparte de los actores, decorador, diretor, músicos. Los que
de aquella fueron los de los grupos xuvenil e infantil cogimos el
relevu fai agora quince años, y somos los que tamos na actualidá
tirando del carru, con xente ente diezyocho y cuarenta años, y un
grupu de diez o doce presones siempre colaborando. N’esta nueva
época solu se fai teatru costumista asturianu, y solo en clave de
comedia. Tos los años se estrena una obra en la época de navidaes,
en Carbayín Altu, y hubo un período de años en que solu se facía una
única representación d’esa obra, non golviendo a facela denguna vez
más, cosa que non facemos agora, tando el grupu dispuesto a
representar les sos obres onde se ios requiera.
Las carácterístiques de’esti grupu siguen siendo les mesmes desde el prencipiu:
Una ambientación muy cuidá, poniendo munchu interés en mostrar les coses tal y
como yeren na época en que se desarrollen les obres (casi siempre na Asturies
rural de los años cuarenta o cincuenta), cudiando decoraos, ropes y atrezzo
hasta el más mínimu detalle; un bable non demasiao duru, pa que sea bien
entendible per toes les presones que vean la obra, falen o no en bable; y humor,
munchu humor. Nos últimos quince años solo se faen obres de comedia.
Dirige el grupu actualmente José Ramón Oliva Alonso, que lleva nel grupu desde
que empezó, y que cogió esti cargu fai agora quince años, y amás de actuar,
desde fai ya más de diez años ye el autor de les obres que se representen,
añadiendo asina a lo dicho anantes el fechu de que les obres que representamos
son inédites.
Actualmente preparen, en colaboración col Centru Nuestra Señora de Covadonga la
segunda semana de teatru de Carbayín, onde van a estrenar la obra Les
desventures de Xuacu, del mesmu autor.